Nagapang-imbitar ang Iloilo City Government sa publiko nga mag-upod sa 12th Iloilo Bike Festival.
Ini opisyal nga magabukas sa Hunyo 3, kadungan sang pagselebrar sang World Bike Day, kag magapadayon tubtob Hunyo 30, 2026.
Sa interview sang Bombo Radyo kay Architect Wilfredo Sy, co-director sang Iloilo Bike Festival, iya ginpahayag nga ini nga event ginapaabot nga mas mapabakod pa ang lokal nga turismo para sa mga cycling enthusiasts kag mga siklista.
Suno pa kay Sy, padayon nga ginakilala ang Iloilo City bilang isa sa mga nagapanguna nga bike-friendly cities sa pungsod kun sa diin paagi sa Iloilo Bike Festival 2026 mapasangkad pa ang Mobility Festival.
Nahibaluan nga lakip sa mga plano sang City Government ang paghimo sang mga end-of-trip cycling facilities, urban shading structures kag pagpaayo sang mga public transport stops agud mangin mas walkable kag bicycle-friendly ang Iloilo City.
Nagapanawagan ang mga organizer sa publiko nga magpakigbahin sa nagkalain-lain nga aktibidad sang festival kag suportahan ang mga inisyatibo agud mangin produktibo ini para sa tanan.
