ILOILO CITY- Ginahanda na sang Iloilo City Government ang tanan nga resources sa tunga sang kahangawa sa posibilidad nga magtimbuok ang kaso sang COVID-19 kag ang pagsulod sang mas makalalaton nga Omicron variant.
Sa interview sang Bombo Radyo kay Mr. Jeck Conlu, spokesperson sang COVID team, iya ginpahayag nga magluwas sa pagpahugot sa mga restrictions, importante man nga handa ang mga supplies, quarantine facilities,consumables kag iban pa nga kinahanglanon.
Suno kay Conlu, paagi sini, makapangaman kag indi magulpihan ang syudad sa tion nga hinali lang magluntad ang COVID-19 surge.
