Nagpadala ang Iloilo City Government sang doctors kag nurses agud nga ma-check ang evacuees nga nagalain ang pamatyag ilabi na ang mga kabataan kag ang mga may edad na.
Sa post ni Mayor Raisa Treñas, ginsiling sini nga ginasigurado man nga may mga bulong nga mahatag sa mga nagamasakit subong nga malain ang tyempo.
“Clinic, kag naga-roving nga doktor kag nurse agud ma check ang mga evacuees nga nagalain ang pamatyag, especially ang aton seniors kag kabataan,” suno kay Treñas. “Pharmacy, ini agud may ready kita nga mga meds in kaso may maglain ang pamatyag ilabi na subong nga tyempo sang trangkaso bangud sang malain nga panahon.”
Activated man ang community kitchen nga amo ang nagapreparar sang pagkaon para sa mga residente nga nagkadto anay sa evacuation centers.
As of 8:00 p.m. nga report sang City Government, may preemptive evacuation sa 24 ka mga barangay kun sa diin may 575 ka mga pamilya ang apektado.
Nalakip ang Iloilo sa ginpasaka sa Heavy Rainfall Red Warning subong nga gab-i bangud sa bagyo.#
