Naglab-ot sa P7 billion ang nagasto sang Iloilo City government sa nagkalain-lain nga proyekto sang syudad sa tion sang administrasyon ni Mayor Jerry Treñas.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga ini ang isa lamang ka pagpakita sa publiko sang transparency agud mahibaluan kon sa diin nagpadulong ang kwarta sang pumuluyo.
Suno kay Fantilaga, sugod 2019, ang nasambit nga balor sang naggasto sang city government ang ginakabug-usan sang edukasyon, health centers, road, gyms, dialysis center, public market, kag iban pa nga proyekto.
Gin-ako man sini nga may mga wala pa natapos nga proyekto tubtob subong lakip na ang pila ka merkado sa syudad.
Una na nga ginpabugal sang city government nga wala gid nagpangayo ang syudad sa national government agud nga makapatindog sang mga proyekto kaangay sang mga eskwelahan.
