ILOILO CITY – Gilayon nga nagpalab-ot sang bulig ang Iloilo City Government sa mga nasunugan sa Brgy. Gen. Hughes-Montes, Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag pagkatapos sang sunog kaina sang hapon, gilayon nga nagpanghatag sang food packs ang nanari-sari nga ahensya sang gobyerno.
Suno kay Treñas, magluwas sa pagkaon, nagakinahanglan man sang mga gamit pantulog, pangluto kag bayo ang mga nasunugan.
Kadungan sini, nagpabutyag man si Treñas sang pagkadismaya bangud nga madamu ang balay nga nasunog kadungan sang pag-umpisa sang Fire Prevention Month subong nga Marso.
Ginkakibot man sang alkalde nga madamo sang mga balay ang napahamtang sa punta bato nga kun tani, indi na dapat pagpatindugan sang balay.
Magluwas sa ikit-ikit nga balay, ginkakibot man sang natungdan nga may yara sang on-going construction sang three-storey building rason nga iya ini nga ipauisa sa Office of the Building Official.
