Ginatinguhaan sang syudad sang Iloilo nga makaangkon sang kaugalingon nga Genome Center agud mas mapadasig ang pagtumod sa mga kaso sang bag-o nga variant sang COVID-19.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga nagpasalig na sang suporta ang Philippine Genome Center angot sa plano nga pagtukod sang genome center sa University of the Philippines (UP) Visayas.
Suno kay Treรฑas, magluwas sa UP Visayas, may yara naman sang gamay nga sequencer ang West Visayas State University Medical Center.
Apang gin-ako sang alkalde nga nagapangayo pa sa gihapon sang pondo ang Philippine Genome Center sa opisina sang Presidente para sa dugang nga mga equipment nga baklon.
Pahayag ni Treรฑas, nagakadapat nga mapadali ang pagtumod sa bag-o nga mga variant sang COVID-19 bangud indi na ini ang orihinal nga sahi sang virus kundi mas makalalaton kag mas delikado.
