ILOILO CITY– Ginpasidunggan sang Iloilo City Government ang mga Most Oustanding Employees 2019 sa syudad sang Iloilo.
Sa interview sang Bombo Radyo Iloilo kay Iloilo City Mayor Jerry Treñas, iya ginpahayag nga tuman ang iya pagpasalamat bangud may yara sang mga empleyado ang syudad nga dedikado kag mapisan sa ila nga trabaho.
Ang mga ginpasidunggan ang ginalakipan sang mga doktor, nurse, midwives, street sweeper kag mga traffic aids.
Magluwas sa paghatag sang pagkilala kag medalya, nakabaton man sang cash incentives ang mga ini balor P3,000 nagikan sa City Government, P2,000 halin sa personal nga kwarta ni Mayor Treñas kag gindugangan man ini ni City Lone District Congresswoman Julienne Jamjam Baronda sang P2,000.
