Iloilo City Gov’t kag Guimaras Provincial Gov’t naga-koordinar sa paghatag bulig sa mga biktima sang tatlo ka mga nagkulob nga mga pumpboats

ILOILO CITY – Nagabuligay ang Iloilo City Government kag Guimaras Provincial Government sa pag-amuma sa mga survivors sang tatlo ka mga nagkulob nga pumpboat sa tunga sang baybayon sang Iloilo kag Guimaras.

Sa interview sang Bombo Radyo kay Donna Magno, pinuno sang City Disaster Risk Reduction and Management Office, iya ginpahayag nga gintipon ang mga survivors sa isa ka mall sa Parola Wharf, Iloilo City Proper ngna ginatawag incident command post.

Suno kay Magno, nagpatigayon sila snag joint meeting kaupod ang mga opisyal sa Guimaras agud ma istoryahan ang mga lihok para sa mga survivors.

Gin-activate naman sang Iloilo City Government ang local incident management team agud nga maghatag sang bulig sa mga survivors.

Magluwas sa City Disaster Risk Reduction and Management Office, yara man ang Public Safety and Transportation Management Office kag mga alkalde sa mga kabanwahanan sang Guimaras.