ILOILO CITY – Ginpangayuan sang paathag sang Iloilo City Government ang Department of Public Works and Highways (DPWH) Region 6 kaangot sa mga wala natapos ukon naumpisahan nga mga proyekto sa pihak sang ginpatuman nga timeline.
Ang sulat ang ginpadala ni City Administrator Melchor Tan kay DPWH Region 6 Director Engr. Sanny Boy Oropel sang Hulyo 1, 2024.
Suno kay Tan, luyag sini nga magpangayo sang update sa status sang pito ka mga proyekto sa syudad.
Ini amo ang mga masunod:
- Mandurriao Market
- Barangay Concepcion, Iloilo City Proper Multi-Purpose Project
- Sports Complex sa Jalandoni Memorial High School
- Tanza Esperanza, Iloilo City Proper Multi-Purpose Building
- Sta. Filomena, Arevalo , Multi-Purpose Building
- Balantang, Jaro, Multi-Purpose Building
- Katilingban, Molo, Multi-Purpose Building
Nagalaom naman si Tan nga maaktuhan gilayon ni Oropel ang nasambit nga request.
