ILOILO CITY – Nagapangita ang Iloilo City Government sang 40 ka mga bag-o nga job hires nga mangin kabahin sang pagatukuron nga task force para sa implementasyon sang executive order 99 ukon ang pag ban sa mga pigs, hogs, porks kag pork products nga makasulod sa syudad sang Iloilo.
Sa interview sang Bombo Radyo kay City Mayor Jerry Treñas, iya ginpahayag nga ang 40 ka mga job hires ang magabantay sa tagsa ka mga port agud masiguro nga wala sang baboy nga may dala nga African Swine Fever nga makasulod sa syudad.
Suno kay Treñas, ipaidalom sa training ang 40 ka mga job hires agud nga ila ma familiarize ang guidelines kag protocol sang meat inspection.
Nahibaluan nga wala sang kaso ang syudad sang Iloilo kun African Swine Fever ang pagahambalan.
