Padayun pa nga ginatun-an sang Iloilo City Government ang pagpahamtang sang mga Closed-circuit television (CCTV) sa Esplanade, mga Public Plaza kag amo man sa Sunset Boulevard.
Sa interview sang Bombo Radyo kay Engr, Neil Ravena, head sang General Services Office, iya ginpahayag nga kabahin ini sang lihok sang siudad agud ma-monitor sang maayo ang mga nasambit nga area.
Suno sa iya, luyag ni Mayor Raisa Treñas nga unahun ukon iprioritize ang Esplanade 11 sa pagbutang sang CCTV kasunod sang insidente kun sa diin nakuhaan sang video nga nagapakighilawas ang duha ka indibidwal sa nasambit nga area.
Ginpakigbahin man ni Ravena nga padayun man nga nagaronda ang Task Force on Moral Values and Formation, Iloilo City Public Order and Safety Management, kag amo man ang mga opisyal sang barangay sa mga pampubliko nga mga lugar.
Ini agud malikawan ang kaangay nga insidente kag mas mamonitor man ang mga aktibidad sang publiko.
 sa Esplanade, mga Public Plaza kag amo man sa Sunset Boulevard.){kind=link}