ILOILO CITY – Positibo ang assessment sang Iloilo City Government sa pagpatuman sang Executive Order 46 may kaangtanan sa pagdula sang Liquor Ban sa syudad sang Iloilo.
Sa interview sang Bombo Radyo kay Mr. Norman Tabud, pinuno sang Business Permits and Licensing Office, iya ginpahayag nga umpisa sang ginpatuman ang Executive Order 46, 31 na ka commercial establishment ang napasirado bangud sa paglapas sa pagsulundan.
Suno kay Tabud, sa 31 ka commercial establishment, walo ang nagapabilin sa gihapon nga sirado bangud sa indi pagtuman sa General Bar Guidelines.
Sa subong, ginpahayag sang natungdan nga padayon sa gihapon ang inspection sang composite team sa tagsa ka commercial establishment nga nagatanyag sang makahulubog nga ilimnon.
