ILOILO CITY- Ginpasiguro ni Iloilo City Mayor Jerry Treñas nga mahatagan man sang cash assistance ang iban pa nga mga sektor sang pumuluyo sa syudad sang Iloilo.
Ini matapos nagaplano ang syudad nga maghatag sang P2,000 nga ayuda para katapo sang Lesbian, Gay, Bisexual, Transgender and Queer Community.
Sa interview sang Bombo Radyo kay Iloilo City Mayor Jerry Treñas, iya ginpahayag nga tinguhaan sang syudad nga makahatag sang bulig sa mga la-on kag senior citizens nga wala nadala sa Social Amelioration Program kag ayuda nagikan sa Department of Labor and Employment.
Suno kay Treñas, ini bangud naintindihan man niya nga ang tanan ang nagakinahanglan sang bulig sa subong nga mga tinion agud may gamitun sa pang-adlaw-adlaw nga kinahanglanon.
Ginahingagaw niya ini proseso suno sa alkalde, bangud indi niya luyag nga mag-abot ang tion nga may yara sang pagla-inay sang buot bangud wala nadala sa mga benepisyo.
May nahanda naman siya suno kay Treñas nga 1000 ka mga persona para sa cash for work program kag may pondo man para sa assistance ang syudad.
Tinguhaan man suno sa natungdan nga mahatagan sang ayuda ang tanan nga nagakinahanglan.
