𝗜𝗟𝗢𝗜𝗟𝗢 𝗖𝗜𝗧𝗬 — Ginpaathag sang General Services Office (GSO) nga wala nila ginpwersa nga bawion ang mga kagamitan nga gindonar sa Museo Iloilo.
Ini kasunod man sang mandu ni Iloilo City Mayor Jerry Treñas nga bawion ang mga gindonar nga gamit sang Iloilo City government.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga mismo ang city government ang nag-contact sa Museo Iloilo agud nga kuhaon ang mga gamit.
Suno kay Ravena, nag-provide ang ila nga talatapan sang truck agud nga i-retrieve ang mga gamit kag wala sang pagpamilit ukon pamwersa nga natabo batok samtang ginapatigayon ang retrieving.
Ginpahayag man sini nga pwede lamang maka-donate ang city government sang mga kagamitan kun ini ang isa ka disposable item.
Nahibaluan nga nagpadulong ang talatapan sa museum agud nga magpatigayon sang inventory, sa diin, natumod nga dapat wala nagahatag ang city government sang procured equipment sa isa ka private entity nga organisasyon nga wala ginapahanugutan sang Commission on Audit (COA).
