Iloilo City Hall employee, gin-guramos sang kaangay nga empleyado bangud ginapahayag nang-agaw sang bana

ILOILO CITY – Ipatawag subong nga adlaw sang Iloilo City administrator ang duha ka mga empleyado sang Iloilo City Hall nga nag-guramusay bangud lang sa lalaki.
Sa impormasyon nga nakuha sang Bombo Radyo, naakig ang 51-anyos nga misis matapos mahibaluan ang relasyon sang 61-anyos nga kaangay man sini nga empleyado kag sang iya bana nga isa ka driver.
Indi mabaton sang asawa ang pagluib sa iya sang kaupod sa trabaho kag sang iya bana rason nga iya ini gin-guramos sa ground floor sang Iloilo City Hall.
Nasaksihan mismo sang mga tawo ang natabo nga iskandalo kun sa diin nabudlayan pa nga bulagon ang duha ka babaye.
Ginpakamaayo naman sang misis nga ipa-blotter sa Police Station No. 1 ang natabo.