ILOILO CITY – Ginpuhag sang bomb threat ang Iloilo City Hall.
Sa interview sang Bombo Radyo Iloilo kay Melindi Ocuros, empleyado ng City Engineer’s Office, ginpahayag sini nga nakabaton ini sang tawag halin sa isa ka lalaki sa diin ginhambalan ini nga may bomba ang ila opisina.
Suno kay Ocuros, mahinay ang tingog sang lalaki sa diin kaduha sini suliton ang nasambit nga pagpamahog.
Diri kag nakabatyag ini sang kakulba kag gilayon sini nga ginpabalo sa iya mga upod sa opisina ang nasambit nga pagpamahog.
Gilayon naman nga nagresponde ang Explosive and Ordnance Division sang Iloilo City Police Office (ICPO) sa Iloilo City Hall kag diri nakumpirma nga wala sang bomba.
Samtang suno naman kay City Engineer Bobby Divinagracia, mangin ini ang wala sang ideya kun sino ang nagpalapta sang pamahog.
Wala man suno sa iya nagpanic ang mga tawo sa City Hall bangud napahibalo na sila sang ila mga dapat nga himuon sa tion nga may mga bomb threat.