ILOILO CITY – Temporaryo nga ipasirado ang Iloilo City Hall epektibo buwas, Setyembre 23 tubtub Setyembre 25.
Ini ang may kaangtanan sa na record nga COVID-19 cases sa City Treasurer’s Office.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang nasambit nga lihok ang kasunod sang kahangawa sang mga empleyado nga na-assign sa iban nga department nga mahimo sila malatnan sang virus.
Magluwas sa disinfection suno kay Treñas, kuhaan man sang swab sample ang tanan nga empleyado sang Iloilo City Hall agud ipaidalom sa COVID-19 test.
Ginpahayag ni Treñas nga sa subong, naglab-ot na sa 157 ang nagnegatibo sa nagapadayon nga random COVID-19 test samtang 33 naman ang nagpositibo sa virus.
