ILOILO CITY– Ginpadulongan sang mga personnel sang City Health Office ang Korean nationals nga magatambong kun tani sa RUN for Jesus 2020 event.
Sa interview sang Bombo Radyo kay Dr. Roland Fortuna sang City Health Office kag Focal Person for Coronavirus Disease 2019, iya ginpahayag nga ginkadtuan nila ang hotel kun sa diin temporaryo nga nagatinir ang Korean nationals.
Suno kay Fortuna, may yara na sang return ticket ang Korean nationals kag ang iban sa ila ang nakabalik na sa South Korea.
Dugang pa sang natungdan, padayun ang ginahimo nga monitoring kun may yara man sang balik-bayan.
Ginaplanuhan man sang City Health Office nga maghimo sang guidelines may kangtanan sa executive order nga ginpaguwa ni Iloilo City Mayor Jerry Treñas tuhoy sa kanselasyon sang dalagko nga pagtililipon.
