ILOILO CITY– Naghatag sang sabat ang City Health Officer sang syudad sang Iloilo, may kaangtanan sa ginapahayag sex scandal sini nga naglapta sa facebook lakip na ang pag-angkon sang girlfriends sa iban nga departamento.
Sa interview sang Bombo Radyo kay Dr. Bernard Caspe, City Health Officer, iya ginpahayag nga binata-bata ang nangin pahayag ni Iloilo City Mayor Jerry Treñas, tuhoy sa scandal kag girlfriend sini.
Suno kay Caspe, ang nasambit nga isyu ang may tinutuyo nga gub-on ang ang iya moral kag imahe sa kadam-an.
Dugang pa niya, isa ka halimbawa sang imoralidad amo ang mga opisyal nga may kabataan sa iban nga mga babayi.
Pahayag ni pa ni Caspe, isa man sa tinutuyo ni Treñas amo nga idivert ang isyu.
Nagahanda naman ang iya legal counsel suno kay Caspe, sa pagpasaka sang criminal charges batok kay Treñas.
Nakahibalo naman ang alkalde suno sa natungdan, kun ano nga kaso ang iya ipasaka bangud abogado man ini.
