Ginpasaka na sa Wind Signal No. 4 ang Iloilo City kag ang mga areas nga sakop sang central kag southern portions sang Iloilo bangud sa Bagyo Tino.
Sa idalom sini nga signal number, may warning lead-time nga 12 oras, 118 to 184 km/h ang range sang kadasigon sang hangin, kag may significant tubtub severe threat nga dala sa kabuhi sang tawo kag sa mga propiedad.
Sa alas dos sa kaagahon nga weather bulletin, Nobyembre 4, yari ang mga area sa Western Visayas nga may wind signal:
Tropical Cyclone Wind Signal No. 4
- central kag southern portions sang Iloilo (Barotac Viejo, San Rafael, Calinog, New Lucena, Maasin, Oton, Pavia, Dueñas, Barotac Nuevo, Guimbal, Iloilo City, Tigbauan, Anilao, San Miguel, Leon, Mina, Santa Barbara, Leganes, Dingle, Zarraga, Bingawan, Cabatuan, Alimodian, Dumangas, San Joaquin, San Enrique, Badiangan, Banate, City of Passi, Pototan, Lambunao, Tubungan, Igbaras, Janiuay, Miagao)
- Guimaras
- southern portion sang Antique
Signal No. 3:
- nabilin nga bahin sang Iloilo
- southern portion sang Capiz (Tapaz, Mambusao, Jamindan, Dumalag, Dumarao, Cuartero, Dao, Panitan, Pontevedra, Sigma, President Roxas, Ma-Ayon, Pilar)
- central portion sang Antique ( Tobias Fornier, Anini-Y, Hamtic, San Jose, Sibalom, Belison, Patnongon, San Remigio, Valderrama, Bugasong, Tibiao, Laua-An, Barbaza)
Signal No. 2:
*nabilin nga bahin sang Capiz
- Aklan
*nabilin nga bahin sang Antique lakip ang Caluya Islands
12:00 sang tungang gab-i kaina sang nag-landfall ang bagyo sa Silago, Southern Leyte.
Ulihi nga nakit-an ang sentro sang mata sang bagyo sa vicinity sang Mahaplag, Leyte. Dala sini ang kabaskugon sang hangin nga 150 km/h malapit sa sentro kag pagmadlos nga tubtub sa 205 km/h.
Nagahulag ini sa direksyon nga pa-nakatundan sa kadasigon nga 30 km/h.
Base sa track forecast, pagkatapos sang landfall sa Southern Leyte, magatabok ang bagyo sa Visayas kag sa northern Palawan halin subong nga Martes tubtub sa Myerkules sang aga.
Posible nga magguwa si Tino sa Philippine Area of Responsibility (PAR) sa Myerkules sang gab-i ukon sa Huwebes sang aga.#
