ILOILO CITY – Ginatugyan na lang sang Iloilo City Agriculture Office sa mga barangay sa syudad ang pagbantay sa mga alagyan nga nagalusot sa banwa sang Leganes.
Ini ang kasunod man sang na-record nga kaso sang African swine Fever sa Barangay MV Hechanova sa amo nga banwa.
Sa interview sang Bombo Radyo kay Mr. Iñigo Garingalao, pinuno sang Iloilo City Agriculture Office, iya ginpahayag nga may yara na sila sang tatlo ka mga tikang nga himuon base sa pagsinapol.
Una, ginpahibalo na ang grupo sang mga mangunguma sa syudad nga magtutok sa pagpatigayon sang disinfection sa ila mga babuyan.
Ikaduha, maga-coordinate sila sa tagsa ka presidente sang Association of Barangay Captains agud nga makahimo na sang ila lihok, kag malibot man ang ila opisina agud nga magbulig sa disinfection kag maghatag sang mga kinahanglanon.
Ginpahibalo naman ang pamunuan sang Iloilo City Slaughterhouse nga mangin strikto pagid sa pagsulundan.
Bangud sini, indi na magbutang sang border checkpoints bangud madamo ang entry points nagikan sa banwa sang Leganes.
Dugang pa niya, posible nga kulangon man ang ila nga personnel sa tion nga may yara sang checkpoint.
Nagpanawagan man ini sa mga hog raisers nga mangin consistent sa disinfection kag magbakal sang baboy kag by-products sini sa safe kag otorisado nga balaklan.
