Ginpalawig sang COVID-19 Inter-Agency Task Force for the Management of Emerging Infectious Diseases (IATF) ang Modified Enhance Community Quarantine (MECQ) status sa Iloilo City kag Iloilo Province tubtob Septyembre 7, 2021.
Yari ang pagsulundan sa Iloilo City sa idalom sang MECQ status santo sa Executive Order No. 75 ni Iloilo City Mayor Jerry Treรฑas:
– Liwat nga ginpatuman ang border control
– Pwede na ang dine-in sa mga food establishments apang limitado lang sa 10 percent sang seating capacity
– Pwede ang al freso dining ukon pagkaon sa open setting apang limitado sa 50 percent sang seating capacity
– Balik na ang personal care services kaangay sang operasyon sang salon kag barber shops apang limitado lang sa 30 percent nga venue capacity
– 9:00 AM – 2:00 PM lang ang Banking Hours;
– Pwede ang face-to-face nga misa apang limitado lang sa 10% sang church capacity;
– 9:00 PM – 4:00 AM ang curfew;
– Ginalimitahan sa tatlo ka-adlaw ang pagpatigayon sang haya;
– Ginalimitahan sa immediate family ang pagpatigayon sang kasal, baptism, kag funeral;
– Bukas ang tanan nga Esplanade kag Plaza para sa Walking, Jogging, Running ukon Biking;
– Pwede ang pagbaligya sang makahulubog nga ilimnon umpisa 10:00 AM – 6:00 PM apang ginadumilian ang pag-inom sang makahulubog nga ilimnon sa pampubliko nga lugar;
– Ginadumilian ang tanan nga Sports Activities; kag
– Ginadumilian ang tanan nga sahi sang Mass Gathering
Ginadumilian naman ang inbound travel sa Iloilo City magluwas sa mga masunod nga indibidwal:
– Returning Overseas Filipinos (ROFs);
– Authorized Persons Outside Residence (APORs); kag
– Returning residents
Samtang, yari naman ang pagsulundan sa Iloilo Province santo sa nauna nga executive order ni Iloilo Governor Defensor Jr.:
*Pahanugutan lamang ang take out kag delivery services sa tanan nga restaurant kag iban pa nga public dining;
*Ginadumilian ang operasyon sang bars, theaters, cinemas, internet cafes, amusement arcades kag playgrounds;
* Ginadumilian ang tanan nga contact sports kag game activities;
* Ginadumilian ang operasyon sang tanan nga personal care services kaangay sang barber shops, beauty parlors, cosmetic ukon derma clinics kag massage therapy kalakip na ang home service sang mga nasambit nga aktibidad;
* Ginadumilian ang operasyon sang fitness studios, gym kag spa;
* Ginapahanugutan ang outdoor sports apang sa gwa lamang sang balay ukon outside residence;
* Ginadumilian ang pabulang kag iban pa nga gaming establishments;
* Wala sang border control; indi na kinahanglan pa ang travel pass sa pagwa kag pasulod sa probinsya;
* Wala sang liquor ban;
* Ginapahanugutan ang religious gathering sa 30% capacity;
* Ginalimitahan sa lima ka-adlaw ang pagpatigayon sang haya sa diin ang immediate family lamang ang ginapahanugutan nga magtambong pati na sa lubong;
* Bukas ang resorts kag recreational venues para lamang sa mga returning overseas Filipinos nga i-quarantine apang siraduhon ang recreational facilities;
* Ginapatuman ang curfew umpisa 9 sa gab-i tubtub 4 sa kaagahon; kag
* Ginadumilian ang tanan nga public events kag gatherings kaangay sang fiesta, festivals, birthday, anniversary, wedding, baptismal celebrations kag receptions
Suno kay Presidential Spokesperson Atty. Harry Roque, magluwas sa syudad kag probinsya sang Iloilo, ginpalawig man ang MECQ status tubtob Septyembre 7, 2021 sa mga masunod nga lugar:
National Capital Region, Apayao, Ilocos Norte, Bulacan kag Bataan sa Region 3; Cavite, Lucena City, Rizal kag Laguna sa Region 4-A sa Luzon; Aklan sa Region 6, Lapu-Lapu City, Cebu City kag Mandaue City sa Region 7; kag Cagayan de Oro City sa Mindanao.
Gindugangan naman ang mga pagsulundan sa dining, personal care services kag religious activities sa NCR, Bataan kag Laguna.
Samtang, ipaidalom naman sa General Community Quarantine (GCQ) with heightened restrictions ang mga masunod nga lugar:
– Ilocos Sur, Cagayan, Quezon, Batangas, kag Naga City sa Region 4-A; Antique, Bacolod City kag Capiz sa Region 6, Cebu Province kag Negros Oriental sa Region 7; Zamboanga del Sur, Misamis Oriental, Davao City, Davao del Norte, Davao Occidental kag Davao de Oro sa Region 11 kag Butuan City sa Mindanao .
Yari pa ang mga lugar nga ipaidalom sa GCQ status:
– Baguio City sa Cordillera Administrative Region, Santiago City, Quirino, Isabela kag Nueva Vizcaya sa Region 2, Tarlac sa Region 3, kag Puerto Princesa sa Region 4-B sa Luzon; Guimaras kag Negros Occidental sa Region 6; Zamboanga Sibugay, Zamboanga City kag Zamboanga del Norte sa Region 9, Davao Oriental kag Davao del Sur sa Region 11, General Santos City, Sultan Kudarat, Sarangani, North Cotabato kag South Cotabato sa Region 12, Agusan del Norte, Agusan del Sur, Surigao del Norte, Surigao del Sur kag Dinagat Islands sa CARAGA, kag Cotabato City sa Bangsamoro Autonomous Region in Muslim Mindanao (BARMM).
Ang mga wala natumod nga lugar ang ipaidalom sa Modified General Community Quarantine (MGCQ).
