Ginlaragway sang Iloilo City Legal Office ang City Legal Officer nga si Atty. Edgar Gil nga isa ka mentor kag maayo nga abyan sa ila.
Ini matapos man nga ginkumpirma sang pamilya nga nagtaliwan na ini sa edad nga 91.
Sa interview sang Bombo Radyo kay Atty. GV Eutiquio Cuñada, Assistant City Legal Officer sang amo nga opisina, iya ginpahayag nga antes siya magsulod kag magserbisyo sa Iloilo City Government, kilalahay na sila ni Atty. Gil.
Suno sa iya, bilang head sang opisina, istrikto si Atty. Gil apang reasonable kag nagahatag sang importansya sa ginatawag nga presensya indi lang sa pisikal apang amo man sa mental.
Masami man nga gina-remind ni Atty. Gil ang iya mga kaupdanan nga yara sila para mag serbisyo kag indi para sa personal nga interest.
Nahibaluan nga ginakabig man sang siyudad si Gil nga one of the longest-serving councilors of Iloilo City kag longest-serving City Legal Officer.
