ILOILO CITY – Temporaryo nga ginpasarado ang Iloilo City Legal Office matapos makabatyag sang sintomas sang COVID -19 ang isa ka abogada.
Sa interview sang Bombo Radyo kay Iloilo City Mayor Jerry Treñas, iya ginpahayag nga nadulaan sang panabor kag panimhot ang nasambit nga abogada.
Suno kay Treñas, gilayon nga ginpatigayon ang contact tracing sa tanan nga mga empleyado sang talatapan.
Ginpaidalom naman sa Reverse transcription polymerase chain reaction (RT-PCR) test ang abogada lakip na ang mga nakaclose contact sini.
Sa subong, nakahome quarantine na ang mga empleyado samtang ginahulat ang resulta sang ila swab test.
