ILOILO CITY — Opisyal na nga nagpanumpa si Iloilo City Lone District Representative Jam-Jam Baronda sa Lakas-Christian Muslim Democrats ukon Lakas-CMD nga amo ang partido ni House Speaker Martin Romualdez.
Sa interview sang Bombo Radyo kay Baronda, iya ginpahayag nga ang pagpanumpa niya sa Lakas-CMD ang may tuyo nga pabaskugon ang mga proyekto sang gobyerno para sa Iloilo City.
Suno kay Baronda, para sa iya, ini ang best choice nga tikang kasunod man sa makapila na ka beses nga ginahingyo siya ni Romualdez nga magsaylo sa amo nga partido.
Ginpahayag man sang mamalidha nga mas mahapos ang proseso sang mga bagay nga makabulig sa mga Ilonggo kun yara sa partido sang administrasyon.
Nahibaluan nga si Baronda ang anay myembro sang National Unity Party (NUP) antes ini nagdesisyon nga magsaylo sang Partido.
Subong naman nga adlaw sang nagpirma ang Partido Federal ng Pilipinas (PFP) kag Lakas CMD sang sang alliance agreement agud magtukod sang mas mabaskog nga alyansa sa duha ka mga partido.
