ILOILO CITY– Plano sang syudad sang Iloilo nga magpahamtang sang isolation facility para sa mga persons under monitoring kag persons under investigation.
Sa interview sang Bombo Radyo kay Dr. Roland Jay Foruna, Focal Person for coronavirus disease 2019, iya ginpahayag nga ang Iloilo Central School ang pagahimuon nga isolation area para sa mga persons under monitoring nga stranded kag indi masarangan i-isolate sang ila tagsa ka pamilya.
Ipahamtang man sa nasambit nga eskwelahan ang mga persons under monitoring nga indi man kinahanglan i-admit sa hospital.
Dugang pa ni Fortuna, ang mga persons under monitoring nga may yara sang co-morbidity kaangay sang high blood pressure kag iban pa ang iga-refer sa Western Visayas Sanitarium sa banwa sang Sta. Barbara, Iloilo.
