ILOILO CITY- Magatambong ang Iloilo City sa patigayunon nga “International Festival of Cities of Gastronomy” sa Macau, China.
Hiwaton ini sa Fishermen’s Wharf sa Macau umpisa Hunyo 14 tubtob 23.
Sa interview sang Bombo Radyo kay Iloilo City Mayor Jerry Trenas, iya ginpahayag nga bilang pinakauna kag nagaisahanon nga syudad sa Pilipinas nga ginkilala nga Creative City of Gastronomy ng UNESCO , kahigayunan ini para mapasundayag sang Iloilo ang Ilonggo food heritage.
Suno sa alkalde, mismo ang Macau government ang magagasto para sa delegasyon sang Iloilo City sa nasambit nga international festival.
Ang festival ang tambungan man sang anom ka Creative Cities of Gastronomy sa China – ang Chengdu, Shunde, Yangzhou, Huai’an, Chaozhou kag Macau.
Imbitado man ang Phuket, Thailand kag Kuching, Malaysia.
