ILOILO CITY- Magatanyag ang Iloilo City Government sang libre nga RT-PCR test para sa mga health workers nga magapauli sa Bacolod City.
Sa interview sang Bombo Radyo kay Iloilo City Mayor Jerry Treñas, iya ginpahayag nga ini ang iya sabat sa hingyo sang mga health workers nga taga- Bacolod City nga luyag magpauli apang gina-require sila nga magpaidalom sa RT-PCR test.
Suno sa alkalde, kinahanglan lamang sang mga ini nga magpadulong sa Uswag Molecular Laboratory sa La Paz covered gymnasium.
Gin-athag man sang opisyal nga libre man ang RT-PCR test para sa mga returning residents kag returning OFWs.
