Ginplastar ni Iloilo City Mayor elect Raisa Treñas ang tinutuyo sini para sa syudad kasunod sang iya kadalag-an sa 2025 midterm elections.
Sa interview sang Bombo Radyo kay Mayor Treñas, iya ginpahayag nga kon nagdaog si Vice Mayor Jeffrey Ganzon, dako kontani ang mabulig sini sa iya kag bisan sa syudad.
Suno kay Treñas, padayon nga suportahan sang city government ang Iloilo City Police Office (ICPO) sa pagpangampanya batok sa iligal nga druga.
Hatagan man sang administrasyon sang prayoridad ang Iloilo City College.
Ginpahayag man sini nga tion naman agud nga ang mga babaye ang magpakita sa ila ikasarang sa patag sang pagdumala sang syudad.
Handa man ang alkalde nga mag-reach out sa Team Baronda agud magsapol para sa mangin plano para sa Iloilo City.
Nahibaluan nga magluwas kay Treñas, na-reelect man si Iloilo City Lone District Representative Jam-Jam Baronda samtang ang iya utod nga si Love-love Baronda ang magapungko man bilang bise-alcalde sang Iloilo City.
