ILOILOCITY– Nakigsapol si Iloilo City Mayor Jerry Treñas kay Presidente Rodrigo Duterte kasunod ang pagbisita sini sa mga himata sang napatay nga mga biktima sang nagkulob nga tatlo ka motorbanca sa Iloilo Strait.
Sa interview sang Bombo Radyo kay Mayor Jerry Treñas, iya ginpahayag nga luyag nya ipalab-ot sa presidente sa nasambit nga pakigsapol ang kulang nga rescue equipments sang Philippine Coastguard-Iloilo kag nagalaum sya nga makahatag sang bulig ang presidente agud mahatagan ini sang aksyon kag solusyon.
Suno kay Treñas luyag nya nga tun-an pa sang Philippine Coastguard-Iloilo ang mga protocol kag mga pagsulundan sa pagpalakat sang mga pumpboat nga nagabyahe Iloilo-Guimaras vice versa.
Gin ako man sang alkalde nga madamo pa nga mga bagay ang nagakadapat bag-uhon kag pauswagon sa systema sang mga motorbanca sa Iloilo.
