Nagpadala na sang sulat si Iloilo City Mayor Jerry Treรฑas kay Department of Health (DOH) Secretary Francisco Duque III.
Ini ang may kaangtanan sa ginapahayag ‘pagpakatig-a’ sang DOH Region VI sa Mandurriao, Iloilo City nga magsunod sa mando ni Mayor Treรฑas nga magpaidalom sa lockdown kasunod sang na-detect nga duha ka kaso sang delta variant sang COVID-19 sa ahensya.
Sa interview sang Bombo Radyo kay Treรฑas, iya ginpahayag nga protocol sang syudad nga ipaidalom sa lockdown ang isa ka opisina ukon establisyemyento nga may kaso sang Delta variant.
Nagakadapat man nga ipaidalom liwat sa quarantine kag reverse transcription polymerase chain reaction (RT-PCR) test ang mga index case sang COVID-19 Delta variant kalakip na ang mga natumod nga close contact.
Apang suno sa alkalde, santo sa pagpakig-angot sang Iloilo City Epidemiology and Surveillance Unit – City Health Office (CESU-CHO) sa duha ka empleyado, ginapahayag ‘nagpakatig-a’ ang mga ini nga magpa re-swab kag magpaidalom sa quarantine.
Ginpabutyag ni Treรฑas ang ka-dismaya bangud sa baylo nga mangin ehemplo ang nasambit nga ahensya sa pagsunod sa protocol sang syudad, sila pa ang nagapakatig-a kag nagapasaway.
Sa pinakaulihi nga update, nagpasugot naman nga magapa-reswab ang nasambit nga mga empleyado nga nalatan sang Delta variant.
