ILOILO CITY- Dismayado si Iloilo City Mayor Jerry Treñas sa nabaton nga reklamo nga pagpasahay sang mga hospital sa mga COVID-19 patients.
Sa interview sang Bombo Radyo kay Treñas, iya ginpahayag nga nakalab-ot na sa iya ang reklamo nga wala ginabaton sa mga hospital ang pasyente nga nakitaan sang sintomas sang Coronavirus Disease 2019 (COVID-19).
Suno kay Treñas, kun indi masolbar sang tagsa ka hospital management ang nasambit nga problema, indi na niya pagpahanugutan ang mga responders nga magsugat kag magdul-ong sang mga pasyente agud nga malimitahan ang local transmission.
