ILOILO CITY– Ginatun-an pa ni Iloilo City Mayor Jerry Treñas ang posible pagpatuman sang lockdown sa syudad sang Iloilo, sa padayun nga pagtaas sang mga persons under investigation bangud sa coronavirius disease 2019.
Sa exclusive interview sang Bombo Radyo kay Iloilo City Mayor Jerry Treñas, iya ginapahayag nga ginatun-an pa niya ang nasambit nga lihok.
Suno kay Treñas, ini ang pamaagi agud maprotektahan ang mga pumuluyo sa syudad sang Iloilo, bangud padayun sa gihapon ang pagsaka sang kaso sang coronavirus disease 2019.
Mahimo suno kay Treñas nga kun madayun ang lockdown magasarado temporaryo ang mga malls apang padayun nga magabukas ang mga merkado, pawnshops, supermakets,convinience stores, mga bangko, agud maghatag sang serbisyo sa mga pumuluyo.
Posible man suno kay Treñas nga ipabuksan ang mga hardwares bangud may yara man sang kinahanglan sa nasambit nga shops ang pumuluyo.
Ginklaro man sang alkalde nga indi kinahanglan magpanic sang mga pumuluyo, bangud ginapa preparar lang ag mga pumuluyo sa tion nga ipatuman ang lockdown
