ILOILO CITY– Ginkalipay ni Iloilo City Mayor Jerry Treñas nga nahitso na ang indi pag-intindihanay sa tunga sang Association of Barangay Captains sa Distrito sang La Paz, kag sa Public Safety and Transportation Management Office.
Sa interview sang Bombo Radyo kay Mayor Treñas, iya ginpahayag nga nalipay siya nga nangin maayo ang resulta sang ginpatuman nga consultative meeting sa tunga sa sang mga punong barangay kag kay PSTMO head Jeck Conlu.
Suno kay Treñas, isa lang ka pumuluyo ang ila ginserbisyuhan, kag nagakadapat lang nga kay-uhon ang gamay nga indi pag-intindihanay.
Pahayag pa niya, antes paman ang consultative meeting, ginpatawag na iya nga daan ang mga punong barangay kag naistoryahan kag naistoryahan na sang maayo ang isyu.
