ILOILO CITY– Ginklaro ni Iloilo City Mayor Jerry Treñas nga wala siya nagsugo sa mga opisyal nga indi magtambong sa sesyon sang Sangguniang Panlungsod sa diin isa kun tani sa mga agenda amo ang deklarasyon sang State of Calamity.
Sa interview sang Bombo Radyo kay Treñas, iya ginpahayag nga wala siya nagmando sa mga konsehal sa baylo wala sila nagtambong bangud nga may yara sila sang kakulba nga kun may qourom ang sesyon, madayon ang deklarasyon sang State of Calamity.
Suno kay Treñas, ginpangapinan lang sang mga opisyal ang pondo sang syudad agud indi magamit sa pamulitika.
Ang calamity fund suno sa alkalde ang nagakadapat lang nga gamiton sa tion nga may yara sang kalamidad kasubong sang sunog kag baha.
Wala man suno sa natungdan nasanto sa facts ang deklarasyon sang State of Calamity sa syudad.// Samtang, pagatan-awun man ni Treñas ang cash advances sang nakaligad nga administrasyon nga wala pa na-liquidate.
Nahibaluan nga wala nagtambong sa sesyon sang deklarasyon sang State of Calamity sanday Vice Mayor Jeffrey Ganzon, Iloilo City Councilors Love-Love Baronda, Ely Estante, Jay Treñas, the late Iloilo City Councilor Armand Parcon, Liga ng mga Barangay President Irene Ong kag Sangguniang Kabataan (SK) Federation President Leila Luntao.
