ILOILO CITY– Ginpirmahan na ni Iloilo City Mayor Jerry Treñas ang executive order nga magapalawig sang enhanced community quarantine sa syudad sang Iloilo bangud sa pamahog sang coronavirus disease 2019.
Sa interview sang Bombo Radyo kay Iloilo City Mayor Jerry Treñas, iya ginpahayag nga magalawig tubtob Abril 30 ang nasambit nga quarantine.
Suno kay Treñas, ila pabaskugon ang pamaagi agud indi malatnan sang nasambit nga virus ang mga pumuluyo sa syudad.
Pahayag pa niya, may yara man sang igalatag nga pagsulundan sa tagsa ka merkado sa syudad agud mapasigurado nga hilway ang tanan sa virus.
Handa man ang syudad suno sa alkalde sa patigayunon nga extension.
Samtang, magapatigayun man sang libre nga testing para sa mga persons under monitoring kag persons under investigation sa mga residente sang syudad sang Iloilo apang may yara ini sag kwalipikasyon.
Kinahanglanon ini suno sa iya agud malikawan nag paglaton sang virus, sa diin, unahon sa pagpa-test ang mga immuno compromised kaangay sang mga tigulang kag iban pa nga vulnerable sector.
