ILOILO CITY – Magapaidalom sa 14-day quarantine si Iloilo City Mayor Jerry Treñas matapos naka-angkon sang close contact sa ginabanta 2 tubtub 3 ka COVID-19 positive.
Sa interview sang Bombo Radyo kay Treñas, iya ginpahayag nga ang mga COVID-19 positive ang nalakip sa isa ka grupo nga nagpadulong sa iya talatapan agud nga maghatag sang donasyon.
Suno kay Treñas, may yara sang picture taking nga ginpatigayon para sa documentation apang wala lang niya ginhingadlan ang pangalan sang grupo.
Ginpahayag ni Treñas nga sa subong, padayon ang contact tracing kag hulaton pa niya ang 4 tubtub 5 ka adlaw antes magpakuha sang swab sample para sa COVID-19 test.
