ILOILOCITY–
Nag-isyu sang memorandum si Iloilo City Mayor Jerry Treñas subong nga adlaw nga naga mandu sa mga barangay kapitan sa syudad sang Iloilo nga mag patigayon sang clearing operations sa ila tagsa ka mga barangay.
Sa interview sang Bombo Radyo kay Mayor Jerry Treñas, ang nasambit nga memorandum ang iya ginmandu agud mas madasig nga makompleto sang syudad nga 60 ka adlaw nga pagpanghawan sa mga national roads nga ginmandu man Presidente Rodrigo Duterte.
Suno sa alkalde ginapangayo nya ang bulig sang tanan nga mga barangay kapitan sa syudad nga siguraduhon ang pagpanghawan sang mga national road sa ila mga tagsa ka barangay.
Dugang pa ni Mayor Treñas, maga atubang sang nagakaangay nga konsekwensya ang mga barangay nga wala nagsunod sa nasambit nga mandu.
