ILOILO CITY– Gin-athag ni Iloilo City Mayor Jerry Treñas nga pagpang-ilis niya sang pinuno sang pila ka mga task force sang syudad ang automatic na nga daan tagsa ka magpungko ang bag-o nga alkalde.
Sa interview sang Bombo Radyo kay Treñas, iya ginpahayag nga may
kinamatarung man siya nga magpahamtang sang mga magapamuno sa mga taskforce kag departamento.
Suno kay Treñas nga sa subong wala pa siya sang napilian kun sin-o ang magabulos bilang pinuno sang Iloilo City Anti Smoking Task Force (ICAST).
Sa bahin naman sang boarding house commission ang bag-o nga pinuno amo si Mr. Teddy Tingson nga anay punong barangay sang Sta. Filomena Arevalo, Samtang ang sa City Health Office naman suno kay Treñas, ginahulat-hulat nalang si Dra. Anabelle Tang. Samtang Suno kay Treñas iga-anunsyo lang niya kun kumpirmado sa kun sin-o ang magapamuno sa Task Force Anti-Squatting and Illegal Structures (ASIS).
Nagpamalibad naman ang alklade sang syudad sa pagsabat kun bala ang ginpang-islan nga mga pinuno ang mga kalasuhan.
