ILOILO CITY- Nagpaguwa sang bag-o nga memorandum si Iloilo City Mayor Jerry Treñas sa diin nagakadapat nga istriktuhan ang pagpatigayun sang Barangay Road Clearing.
Sa interview sang Bombo Radyo kay Mr. Boyert Rico, executive assistant for Barangay Affairs, iya ginpahayag nga may yara sang mga silot sa mga barangay official nga nagapabaya sa pagpaninlo sang mga dalanon sa ila tagsa ka lugar.
Suno kay Rico, ang nasambit nga memorandum ang nagaserbe nga pahanumdum sa mga barangay official nga sundon ang ginmando sang Department of Interior and Local Government kag mismo sang alkalde nga panguhaon ang mga obstruction sa mga dalanon.
