ILOILO CITY- Nagpaguwa sang memorandum si Iloilo City Mayor Jerry Treñas nga nagamando sa pamumuan sang Public Safety and Transportation Management Office, Task Force Anti-Squatting and Illegal Structures kag Barangay Affairs Office, nga magpatigayun sang road clearing operations.
Ini ang kasunod sang mandu ni Presidente Rodrigo Duterte sa iya State of the Nation Address sa diin kinahanglan nga hawanan ang mga National Highway agud nga indi magpugok ang trapiko.
Sa interview sang Bombo Radyo kay Treñas, iya na nga ginmandu-an ang Public Safety and Transportation Management Office sa pagpamuno ni Mr. Jeck Conlu nga tan-awon ang mga dalan nga dal-on sa clearing operation.
Ang mandato suno kay Treñas ang kinahanglan nga tumanon bangud kun indi ini matigayun, pagasuspendihon ang alkalde santo man sa mando sang Presidente.
Sa mga obstruction sa dalan suno kay Treñas, may yara naman sang layi tuhoy diri.
