ILOILO CITY– Kinahanglan nga sundon suno kay Iloilo City Mayor Jerry Treñas ang protocol sang Department of Health angot sa pagdeklara nga tanan nga yara sa banwa sang Guimbal ang kabigun nga Persons Under Monitoring.
Sa interview sang Bombo Radyo kay Treñas, iya ginpahayag nga kun person under monitoring, nagakadapat nga ini ang naka-quarantine sa sulod sang 14 ka adlaw kag indi dapat nga magwa sa ila panimalay
Banggud sini suno sa natungdan, indi man mahimo nga maglagaw sa iban pa nga bahin sang probinsya ang nasambit nga mga tawo.
Samtang, ginpahayag ni Iloilo City Mayor Treñas, nga indi siya maka-intindi kun nga wala sang emergency procurement nga ginahimo ang Department of Health tuhoy sa mga test kits nga kinahanglanon sa subong.
Sa interview sang Bombo Radyo kay Treñas, iya ginpahayag nga sa subong, 500 ka mga test kits ang ginpreparar sang ahensya para sa syudad sang Iloilo kag ini ang pagagamitun agud mahibaluan kun may yara pa sang mga positibo sa coronavirus disease 2019 sa syudad.
Suno kay Treñas, unahon sa pagtest ang mga Persons Under Investigation kag kun may bilin, igatest man ang mga Persons Under Monitoring.
Nagapangabay man ang alkalde sa mga tawo nga indi magwa sa ila balay kun indi man lang importante, agud malikawan ang pagsaka sang numero sang mga positibo.
