ILOILO CITY- Nagpakigsapol na si Iloilo City Mayor Jerry Treñas kay Iloilo City Police Office (ICPO) director Martin Defensor, tuhoy sa plano nga pagpauntat sang implementasyon sang Executive Order (E.O) 146 nga nagadumili sa pagbaligya sang ilimnon paglagpas sa las 2:00 sang kaagahon.
Sa interview sang Bombo Radyo kay Mayor Treñas, iya ginpahayag nga naistoryahan na nila ang capability sang kapulisan agud mapasigurado ang kalinong kag katawhay sang syudad kun dulaon na ang E.O 146.
Ginpasigurado man suno sa iya sang ICPO director nga masarangan ini sang kapulisan.
Samtang nagaplano man siya suno kay Treñas nga maghire sang mga police auxillaries agud magbulig sa kapulisan sa pagpaluntad sang kalinong kag katawhay sang syudad.
Pagakuhaon naman nga mga auxillaries ang mga criminology graduates kag apisar underboard ang mga ini igapaidalom sa training sa pagpamuno sang PNP.
Nagakinahanglan naman ang PNP suno kay Treñas sang dugang nga salakyan, motorsiklo sa paglibot sa syudad kag mga handheld radios rason nga iya pagatan-awun kun makaigo ang 20 million nga ginbudget sang nakaligad nga administrasyon para sa siyam ka mga salakyan lakip na ang pagpangita sang pondo agud mabakal ang kinahanglanon sang mga pulis.
Samtang ginpahayag man sang alklade nga paga-istoryahon man niya ang mga bar owners sa tion nga may asosasyon ang mga ini tuhoy sa pagpauntat sang implementasyon sang EO.
Luyag man niya suno kay Treñas nga indi na pagserbihan pa sang ilimnon ang mga customers nga tuman na kahubog kag paga
striktohan man ang paghatag sang ilimnon sa mga menor de edad.
Dugang pa niya nga handom niya nga mangin isa ka maayo nga
destinasyon ang syudad sang Iloilo.
