ILOILO CITY – Nagpanawagan si Iloilo City mayor Jerry Treñas nga pamatian sang Department of Finance (DOF) kag National Economic and Development Authority (NEDA) ang hingyo sang Business Process Outsourcing (BPO) nga pahanugutan ang work from home work set up tubtob sa bulan sang Setyembre.
Sa interview sang Bombo Radyo kay Treñas, iya ginpahayag nga naintindihan niya ang rason sang DOF kag NEDA sa pagpabalik sa mga empleyado sang BPO companies sa on-site set up sumugod Abril 1 apang dapat tun-an sang maayo.
Suno kay Treñas, apisar nga may pandemic kag nagatrabaho ang mga empleyado pinaagi sa work-from-home set up, nagadamo sa gihapon ang mga BPO companies.
Bangud sini suno sa alkalde, nagakadapat nga pamatian anay sang duha ka ahensya ang request sang mga kompaniya nga i-extend ang work-from-home setup tubtob sa Setyembre.
