ILOILO CITY – Naghingyo ang alkalde sang syudad sang Iloilo sa mga businessmen nga magpreparar man sang pondo para sa COVID-19 vaccine sa mga empleyado kun mangin available na ini sa masunod nga tuig.
Sa interview sang Bombo Radyo kay Iloilo City Mayor Jerry Treñas, iya ginpahayag nga may yara man sang ginpain nga budget ang syudad apang kun magbulig ang business sectors, mabuhinan man ang kinahanglan sang gobyerno.
Suno kay Treñas, nagpahanumdum man ang mga doktor nga kinahanglan atleast 70 percent sa populasyon ang mapaidalum sa COVID-19 vaccine sa pungsod Pilipinas.
Nagpasalig man ang alkalde nga kun matigayon na sa masunod nga tuig ang nasambit nga vaccine sa syudad sang Iloilo, libre man ini sang gobyerno para sa tanan.
