ILOILO CITY — Nakahanda si Iloilo City Mayor Jerry Treñas nga indi na niya pagtulod nga magpanumpa ang iya anak nga si Raisa Treñas-Chu sa Partido Federal ng Pilipinas (PFP).
Sa interview sang Bombo Radyo kay Treñas, iya ginpahayag nga kun may magpabilin nga may mga issues sa tuyo sini nga ipasumpa ang iya anak sa amo nga Partido, indi niya na ini pag-ipilit.
Suno kay Treñas, sa iya pag-istorya kay Iloilo Governor Arthur Defensor Jr., iya ginsiling nga ginapangitaan pa sang schedule kun san-o pasumpaon ang iya anak nga si Raisa Treñas-Chu.
Ginpahayag man sini nga kun alang-alang na gidman nga makapanumpa si Raisa, pangitaan na lang sang pamaagi agud makasumpa sa iban nga partido.
Nahibaluan nga makapila na ka beses nga nakansela ang pagpanumpa sang pila ka mga opisyal sang Iloilo City sa amo nga Partido.
