ILOILO– Nakigsapol si Iloilo City Mayor Jerry Treñas kaupod ang mga sidewalk vendors sa syudad sang Iloilo.
Nagtambong man sa nasambit nga pagsinapol ang mga tiglawas sang Department of Social Welfare and Development, City Social Welfare and Development Office, mga market in charge, Public Safety and Transportation Management Office, Task Force on Anti-Squatting and Illegal Structures Unit kag Public Employment Service Office.
Sa interview sang Bombo Radyo kay Treñas, iya ginpahayag naistoryahan sa pagsinapol ang mga lihok nga patigayunon agud mabuligan ang sidewalk vendors nga maapektuhan sang ginpatigayon nga Oplan Hawan santo sa mando ni Presidente Rodrigo Duterte.
Suno sa alkalde, nagapangayo siya sang bulig sa mga manugbaligya bangud nga ginasunod lang sang Local Government Unit ang ginhatag nga mando sang presidente kag ini ang para man sa katawhayan sa mga dalanon.
