ILOILO CITY- Pangitaan sang paagi ni Iloilo City Mayor Jerry Treñas nga mangin mahapos para sa tanan, ang patakaran sa bug-os nga isla may kaangtanan sa liwat nga pagbukas kag pagbuhi sang ekonomiya sa bug-os nga Panay.
Ini matapos ginpaidalom na sa modified general community quarantine ang syudad kag probinsya sang Iloilo, lakip na ang bug-os nga isla sang Panay.
Sa interview sang Bombo Radyo kay Mayor Treñas, iya ginpahayag nga nakahanda man ang syudad sa kun ano man ang dapat nga ipatuman.
Suno kay Treñas, ang syudad sang Iloilo ang makabig sentro sa isla, rason nga kinahanglan man nga mangin ‘available’ ang trabaho para sa tanan bangud kalabanan sa mga nagatrabaho sa syudad amo ang mga pumuluyo nga nagikan sa probinsya sang Iloilo.
Pahayag pa ni Treñas, nagapasalamat man siya sa mga alkalde kag gobernador sa bug-os nga isla sang Panay, bangud sa bukas nga pagbaton sang mga ini sa suhestyon sa kun ano ang mga nagakadapat ipatuman.
