ILOILO CITY — Wala na ginkakibot ni Iloilo City Mayor Jerry Treñas nga pati ang mga cash assistance sang pila ka ahensya sang gobyerno ang gamiton para sa pagpamulitika.
Sa interview sang Bombo Radyo kay Treñas, iya ginpahayag nga halos tanan sa iya nga hulag kag bisan diin pa ini magbalikid, ginatapik gilayon sa iya ang politika.
Ini ang kasunod man sang paghatag sang city government sang cash assistance nga P10,000 para sa mga Barangay Kagawad kag P5,000 naman para sa mga treasurer kag secretary sang Iloilo City.
Suno kay Treñas, masami na nga ginapaagi sa pamulitika ang mga ginabato sa iya apang wala naman ini sang mahimo bangud nagasulod na sa election season.
Ginpahayag man sang alkalde nga ang cash assistance nga ginpanagtag sa mga opisyales ang kaangot sa pagdeklara sang state of calamity sa syudad bangud sa epekto sang El Niño Phenomenon.
Nahibaluan nga ang bulig ang naghalin kanday Senate President Chiz Escudero, House Speaker Martin Romualdez, Senator Mark Villar, Camille Villar, Senator Lito Lapid, kag Senator Bong Revilla.
