ILOILO CITY- Nakahanda ni Iloilo City Mayor Jose Espinosa III nga buligan ang mga non-eligible pensioners nga nakabatun sang senior citizens pension nagikan sa City Social Welfare and Development Office (CSWDO).
Sa interview sang Bombo Radyo kay Mayor Espinosa, iya ginpahayag nga iya tinguhaan nga mabuligan ang nasambit nga mga indi kwalipikado nga mga pensioners.
Suno kay Espinosa kun kinahanglan niya nga mag-apelar sa Department of Social Welfare and Development (DSWD) kag sa National Government nga indi nalang pag-ibalik ang nahatag na nga mga pension iya ini nga himuon.
Nagapati naman si Espinosa nga kinahanglan man sang nasambit nga katigulangan ang kwarta agud man ibakal sang ila bulong kag iban pa nga mga kinahanglanon.
Nahibaluan nga nangin kontrobersyal man ang senior citizens pension sa syudad sang Iloilo bangud madamo sa mga nakabatun ang indi kwalipikado nga malakip sa listahan sang sa diin ang mga ini ang may ginabatun nga mga social pensions.
